Famous Religious Scholar and Zakir Ehl e Tashayyo Mr. Talib Johri have breathed last in Karachi.

معروف عالمِ دین اور ذاکر علامہ طالب جوہری انتقال کر گئے

مولانا طالب جوہری کچھ روز سے علیل تھے اور کراچی کے ایک ہسپتال میں زیرِ علاج تھے۔

علامہ طالب جوہری شاعر، ذاکر، مورخ اور فلسفی تھے۔ انھوں نے قرآن کی تفیسر سمیت شاعری اور مذہب پر کتابیں بھی تحریر کی تھیں۔ ان کے والد مشہور عالم دین علامہ مصطفیٰ خاں جوہر تھے۔

ان کی عمر 80 برس تھی۔

علامہ طالب کئی برسوں تک پاکستان کے سرکاری ٹی وی پر بطور ذاکر واقعہ کربلا کی یاد میں خصوصی مجالس ’شامِ غریباں‘ پڑھا کرتے تھے۔ وہ اپنے انداز خطابت کی وجہ سے پاکستان سمیت دیگر ممالک میں بھی بہت معروف تھے۔

پاکستان کے وزیراعظم عمران خان اور دیگر سیاسی و مذہبی رہنماؤں نے علامہ طالب جوہری کے انتقال پر گہرے دکھ اور افسوس کا اظہار کیا ہے۔